ಕೊಲಂಬೊ: ಶ್ರೀಲಂಕಾ ತನ್ನ ಅತ್ಯುನ್ನತ ನಾಗರಿಕ ಗೌರವವಾದ ‘ಮಿತ್ರ ವಿಭೂಷಣ’ ಪ್ರಶಸ್ತಿಯನ್ನು ಭಾರತದ ಪ್ರಧಾನಮಂತ್ರಿ ನರೆಂದ್ರ ಮೋದಿಗೆ ಪ್ರದಾನ ಮಾಡಿದೆ. ಈ ಪ್ರಶಸ್ತಿಯನ್ನು ಸ್ವೀಕರಿಸಿದ ನಂತರ ಪ್ರಧಾನಿ ಮೋದಿ, “ಈ ಪ್ರಶಸ್ತಿಯನ್ನು 140 ಕೋಟಿ ಭಾರತೀಯರಿಗೆ ಸಮರ್ಪಿಸುತ್ತೇನೆ,” ಎಂದು ತಿಳಿಸಿದರು.
ಶ್ರೀಲಂಕಾದ ಅಧ್ಯಕ್ಷ ಅನುರಾ ದಿಸ್ಸನಾಯಕೆ ಅವರಿಂದ ಈ ಗೌರವ ಸ್ವೀಕರಿಸಿದ ಮೋದಿ, ಶ್ರೀಲಂಕಾ ಸರ್ಕಾರಕ್ಕೆ ಧನ್ಯವಾದ ಸಲ್ಲಿಸಿದರು. “ಇದು ನನ್ನ ವ್ಯಕ್ತಿಗತ ಗೌರವವಲ್ಲ, ಭಾರತದ ಜನತೆಗೆ ನೀಡಲಾದ ಗೌರವವಾಗಿದೆ,” ಎಂದು ಅವರು ಟ್ವೀಟ್ ಮೂಲಕ ತಿಳಿಸಿದ್ದಾರೆ.
ಇದರೊಡನೆ, ಭಾರತದ ಮತ್ತು ಶ್ರೀಲಂಕಾದ ನಾಯಕರು ದ್ವಿಪಕ್ಷೀಯ ಸಭೆ ನಡೆಸಿ, ರಕ್ಷಣಾ ಸಹಕಾರ ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ಮಹತ್ವದ ಒಪ್ಪಂದಗಳಿಗೆ ಸಹಿ ಹಾಕಿದರು. ಈ ಭೇಟಿಯು ಇರುವುದು ಕೇವಲ ಗೌರವ ಪ್ರದರ್ಶನವಷ್ಟೇ ಅಲ್ಲ, ಭವಿಷ್ಯದ ಸಂಬಂಧಗಳಿಗೆ ಗಾಢತೆಯನ್ನು ನೀಡುವ ಹೆಜ್ಜೆಯಾಗಿ ಪರಿಗಣಿಸಲಾಗಿದೆ.
