16
ಹುಣಸೆ ಮರ ಮುಪ್ಪಾದರೂ ಹುಳಿ ಮುಪ್ಪಾದಿತೇ! ಅನ್ನೋ ಗಾದೆ ಮಾತನ್ನ ನೀವೆಲ್ಲಾ ಕೇಳಿಯೇ ಇರ್ತಿರಾ. ಹೌದು, ಆ ಗಾದೆ ಮಾತು ಕೂಡಾ ಇದೀಗ ನಿಜವಾಗಿದೆ.ಪಶ್ಚಿಮ ಸಿಕ್ಕಿಂನಲ್ಲಿ, ವ್ಯಕ್ತಿಯೊಬ್ಬರು ತಮ್ಮ 70ನೇ ವಯಸ್ಸಿನಲ್ಲಿಯೂ ಚೊಚ್ಚಲ ಮಗುವಿನ ತಂದೆಯಾಗಿದ್ದಾರೆ. ಅವರ 40 ವರ್ಷದ ಪತ್ನಿಯು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ವರದಿಗಳ ಪ್ರಕಾರ, ಆ ವ್ಯಕ್ತಿ 20 ವರ್ಷಗಳ ಹಿಂದೆ ತಮ್ಮ 50ನೇ ವಯಸ್ಸಿನಲ್ಲಿ 20 ವರ್ಷದ ಹುಡುಗಿಯನ್ನು ಮದುವೆಯಾಗಿದ್ದು, ಆ ನಂತರ ಹಲವಾರು ಬಾರಿ ವೈದ್ಯರನ್ನು ಭೇಟಿಯಾದರೂ ಅವರು ಪೋಷಕರಾಗಲು ಸಾಧ್ಯವಾಗಿರಲಿಲ್ಲವಂತೆ. ಆದರೆ ಇದೀಗ ಹೆಣ್ಣು ಮಗುವಿಗೆ ಕಾರಣರಾಗಿದ್ದಾರೆ. ಅಲ್ಲದೇ ಜನಿಸಿರುವ ಮಗು ಆರೋಗ್ಯವಾಗಿದೆ ಎಂದು ವರದಿಗಳು ಸಹ ಹೇಳಿವೆ.
